Сальвадор Далининг гравюраси ўғирлаб кетилди
Сан-Франциско (АҚШ)даги галереядан буюк рассом Сальвадор Дали мўйқаламига мансуб асарнинг гравюраси номаълум шахс томонидан ўғирлаб кетилди. Бу ҳақда «ABC7 News» телеканали хабар берди.
Сўнгги маълумотларга кўра, бу Далининг «Ёнаётган жирафа» асаридан олинган гравюра бўлган.
Хабар берилишича, «Ёнаётган жирафа» гравюралари бир нечта бўлиб, уларнинг барчаси хос рақамларга эга.
Гравюранинг нархи унча баландмас — 20 минг АҚШ долларигача бўлган.
Ташқи кузатув камералари номаълум шахсни қайд этиб қолган, аммо ўғирлик амалга оширилган пайт ёзиб олинмаган. Таъкидланишича, номаълум шахс хусусий галереяга кириб, 50х65 сантиметр ўлчамдаги гравюрани олган ва хотиржам ортига қайтиб кетган, бунинг учун 30 сония ҳам кетмаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter