Рекорд бир кундаёқ янгиланди. Илк бор кунлик кўрсаткич 300 нафардан ошди
Шу йилнинг 3 июль куни мамлакатимизда 318 ҳолатда касаллик аниқланди. Бу янги рекорд. Бунгача энг кўп касалланиш ҳолати 2 июль куни қайд этилганди (297 ҳолат).
CCВ матбуот хизмати маълумотига кщра, бугун касалланганларнинг 273 нафари Карантин муассасаларида, 45 нафари аҳоли орасида (шундан 37 нафари Тошкент шаҳрида, 5 нафари Андижон вилоятида, 3 нафари Тошкент вилоятида) аниқланган.
Аввал хабар қилинганидек, бугун юртимиз тиббиёт муассасаларида 217 нафар фуқаро (Тошкент шаҳрида 212 нафар, Наманган вилоятида 5 нафар) соғайди.
Ҳозирда касаллик қайд этилган жами 9396 нафар бемордан 6251 нафари соғайиб, даволаниш кўрсаткичи 66 фоизни ташкил этмоқда.
Айни пайтда тиббиёт муассасаларида даволанаётган 3116 нафар бемордан 16 нафари оғир, 8 нафари эса ўта оғир аҳволда.
Ҳозирда мамлакатимизда уй карантинида 41 926 нафар, стационар карантинда эса 22 438 нафар фуқаро тиббий кузатувда бўлиб турибди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter