Хабарлар тезкор Телеграм каналимизда Обуна бўлиш ×

Жиззах шаҳар ҳокимлиги биноси карантинга олинди

Жиззах шаҳар ҳокимлиги биноси карантинга олинди

Фото: «Jizzax.uz»

Сўнгги кунларда Жиззахда коронавирус инфекциясининг кўпайганлиги туфайли ҳудудда вирус тарқалишининг олдини олиш мақсадида йўлланма асосида шаҳар ҳокими Акбар Шукуров топшириғи билан ҳокимлик ходимлари COVID-19 тестидан ўтказилган. Бу ҳақда ҳокимлик матбуот хизмати хабар бермоқда.

Қайд этилишича, ўтказилган тест натижаларига кўра, Жиззах шаҳар ҳокимлиги ходимлари ва раҳбариятидан коронавирус инфекцияси аниқланмаган.

Аммо «Маҳалла ва оилани қўллаб-қувватлаш маркази» Жиззах шаҳар бўлимининг 1 нафар ходимида COVID-19 инфекцияси аниқланганлиги сабабли «Маҳалла ва оилани қўллаб-қувватлаш маркази» Жиззах шаҳар бўлими ва шаҳар ҳокимлиги биноси карантинга олинган.

Айни пайтда ҳокимлик ходимлари ўз ишларини масофадан туриб давом эттирмоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг