Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Навоийда «Меҳрибон юрак»  хайрия акциясига старт берилди

Навоийда «Меҳрибон юрак»  хайрия акциясига старт берилди

Навоий вилоятида туғма юрак хасталиги билан туғилган болаларни даволашга қаратилган «Меҳрибон юрак»  хайрия акциясига старт берилди.

Вилоятдаги юрак хасталигига чалинган болаларни жарроҳлиқ  усулида даволашга бағишланган акциянинг биринчи қадамлари аллақачон бошланган. Навоий вилояти ҳокимлиги, Ўзбекистон Ёшлар иттифоқи вилоят Кенгаши, вилоят соғлиқни сақлаш бошқармаси, вилоят кўп тармоқли тиббиёт маркази ҳамкорлигида  илк бор ўтказилаётган  тадбирнинг мақсади  юрак хасталигига чалинган, бугунги кунда жарроҳлик амалиётига зарурати бўлган, ижтимоий ҳимояга муҳтож, оилавий шароити оғир бўлган бемор болаларни даволатишга ва уларни соғлом ҳаётга қайтаришга қаратилган. Шунингдек, ёшлар қалбида меҳр-мурувват, саховат, инсонийлик фазилатларини янада кучайтиришдан иборатдир.

«Меҳрибон юрак» хайрия акцияси жорий йилнинг 23 октябрида бўлиб ўтади. Яъни бугунги кунда хасталик аниқланиб, тиббий кўрикдан ўтказилган болаларда  илк жарроҳлик амалиёти бошланади. Ва босқичма-босқич давом этади.

 -Бу акция  аҳолининг  ижтимоий ҳимояга муҳтож қатламига катта мадад бўлади,-дейди  вилоят кўп тармоқли тиббиёт маркази бош шифокори,  тажрибали кардиохирург, тиббиёт фанлари номзоди Муроджон Аҳмедов.-Авваллари чет элларга бориб катта маблағ эвазига амалга оширилаётган бу жарроҳлик амалиётини Навоийнинг ўзида  бепул  ўтказилиши ҳам болалар, ҳам ота-оналар учун  жуда қулай.

Хайрия акциясини қўллаб –қувватловчилар кундан-кунга эмас, соат сайин ортиб бормоқда. Махсус  ҳисоб рақамлари очилиб, хайр саховатли инсонлар меҳру мурувватини   юраги безовта ураётган болажонлардан аямаётганлиги одамийликнинг олий намунасидир. Сиз ҳам «Меҳрибон юрак» хайрия акциясига қўшилинг. Чунки савоб иш қилиш учун жуда яхши имкониятни қўлдан бой берманг!

                                                        Маруса Ҳосилова

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг