Дам олиш кунлари об-ҳаво яна исиб кетиши кутилмоқда
Ўзгидромет дам олиш кунлари кутилаётган об-ҳаво маълумоти хусусида хабар берди.
Бугун қўшни Қозоғистондан совуқ атмосфера фронти ўтиши ҳисобига Ўзбекистонда ҳудудида ҳарорат бироз пасайди. Куннинг ўртасига келиб ҳаво +32...+35 даражагача исиди.
Дам олиш кунлари республика ҳудудига Эрондан яна иссиқ ҳаво кириб келиши бошланади. Ҳаво ҳарорати кечалари +16...+21 даражани, кундуз кунлари +35...+38 даражани, шимол ва жанубда баъзи жойларда +40 даражагача иссиқни ташкил этади. Бундай қийматлар ўртача-иқлимий меъёрдан 2-4 даражага кўп бўлади. Республика бўйича кам булутли ва қуруқ об-ҳаво сақланиб туради, фақат шанба куни кечга томон Фарғона вилоятининг тоғли ҳудудларида баъзи жойларда момақалдироқ билан қисқа муддатли ёмғир ёғиши мумкин.
Бугун ва эртага республиканинг айрим туманларида шамол 15-20 м/с гача кучайиши кутилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter