6 ойда 100 нафарга яқин бола вафот этган. Сенатда бунинг сабаблари муҳокама қилинди
Бугун, 5 август куни ҳам давом этган Сенатнинг йигирма тўққизинчи ялпи мажлисида ички ишлар вазирининг 2022 йилнинг биринчи ярим йиллигида ҳуқуқбузарликларнинг олдини олиш ва уларнинг профилактикаси ҳолати тўғрисидаги ахбороти эшитилди.
Унда Республика ҳудудида содир этилган йўл-транспорт ҳодисаларининг олдини олиш ишлари ҳам бугунги кун талаби даражасида ташкил этилмагани танқид остига олинди.
Қайд этилишича, орий йилнинг ўтган 6 ойида болалар билан боғлиқ 595 та йўл-транспорт ҳодисаси содир этилиб, уларда 529 нафар бола жароҳатланган, 97 нафари ҳалок бўлган.
Мазкур масала атрофлича муҳокама қилинди ва Сенатнинг тегишли қарори қабул қилинди.
Маълумот учун, 2021 йилнинг 6 ойи давомида содир бўлган 542 та ЙТҲларда 458 нафар бола жароҳатланган, 104 нафари ҳалок бўлган. Ҳалок бўлган болалар сони 2020 йилнинг 6 ойига нисбатан 33,3 фоизга ортган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter