Ўзсаноатқурилишбанк — Осиё тараққиёт банкининг Ўзбекистондаги энг яхши ҳамкор банки
«Ўзсаноатқурилишбанк» АТБ Осиё тараққиёт банкининг (ОТБ) савдони молиялаштириш дастури (TFP) доирасида 2020 йилда Ўзбекистондаги энг яхши ҳамкор банки деб топилди.
TFP дастури иштирокчиларини тақдирлаш маросими 2020 йил 28 октябрь куни Сингапурда Zoom платформаси орқали онлайн шаклда ўтказилди.
2009 йилда ташкил этилган ОТБ TFP дастури кичик бизнес ва хусусий тадбиркорлик субъектларининг молиявий имкониятларини оширишга қаратилган.
Ўзсаноатқурилишбанк 2013 йилдан бери ушбу дастурда иштирок этиб келмоқда. 2019 йил 1 июлидан 2020 йил 30 июнига қадар Банк дастур доирасида Ўзбекистонда энг кўп транзакция амалга оширган молия муассасасига айланди.
Таъкидлаш керакки, Ўзсаноатқурилишбанк кетма-кет учинчи йил мазкур мукофотга лойиқ деб топилмоқда.
Ўзсаноатқурилишбанк, шунингдек, Европа тикланиш ва тараққиёт банки ҳамда Халқаро иқтисодий ҳамкорлик банкининг савдони қўллаб-қувватлаш дастурларида иштирок этади.
Банк Ахборот хизмати
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter