2019 йилнинг 1 ноябрь куни соат 01 дан 50 дақиқа ўтганда Тошкент вилояти Бўка тумани Ачамайли МФЙ Зиёли кўчаси 1-уйда ёнғин содир бўлаётганлиги ҳақида ёнғин-қутқарув хизматига хабар келиб тушган.

ФВВ ЁХББ ОАВ билан ҳамкорлик қилиш бўлинмаси маълум қилишича, воқеа жойига 6 та ёнғин ўчириш техникалари жалб этилган.

Биринчи бўлинмалар чақирилган манзилга 8 дақиқада етиб борганда (энг яқин ёнғин-қутқарув қисмигача масофа 7 км) аланга майдони кенгайиб кетгандан сўнг ёнғин-қутқарув хизматига хабар берилгани учун уйнинг асосий том қирилиш конструкциялари очиқ аланга билан ёнаётганлиги маълум бўлган.

Кўрилган тезкор ҳаракатлар натижасида ёнғин соат 03:39 да ўраб олиниб, соат 04:05 да бартараф этилган. Ёнғиндан уйнинг 150 кв.метр майдони сақлаб қолинган ҳамда аланганинг қўшни уйларга тарқалиши олди олинган.

Ҳодиса натижасида тан жароҳати олганлар ва ҳалок бўлганлар қайд этилмаган. Ёнғин оқибатида яшаш уйининг 250 кв.метр майдонда томи, шифти ва ички жиҳозлари ёниб зарарланган. Ёнғин сабаби ва моддий зарар миқдори аниқланмоқда.