«Тошкент пахта тозалаш заводи»да ёнғин содир бўлди
Бугун, 16 апрель куни соат 17:13 да Тошкент вилояти, Ўрта Чирчиқ тумани, «Тинчлик» МФЙ Мунаввар кўчасида жойлашган «Реал Текст» МЧЖга қарашли «Тошкент пахта тозалаш заводи» ҳудудида очиқ майдонга ёйиб қўйилган «Наманган-77» 5-навли пахта хом ашёси ёнган.
Ёнғин ўчириш жангавор бўлинмалари ёнғин жойига соат 17:20 да етиб борган. Содир бўлган ёнғин соат 17:30 да ўраб олиниб, соат 18:10 да тўлиқ бартараф этилган.
Содир бўлган ёнғинни бартараф этишга жами 3 та ёнғин ўчириш жангавор бўлинмалар ҳамда 20 нафар қутқарувчи жалб қилинган.
Қутқарувчиларнинг саъй-ҳаракатлари натижасида 4 та бунт тахминан 8000 тонна пахта хом ашёси сақлаб қолинган.
Содир бўлган ёнғиннинг келиб чиқиш сабаби, Т-28 русумли пахта ортиш юклама тракторининг носозлиги деб топилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter