Хабарлар тезкор Телеграм каналимизда Обуна бўлиш ×

Ўзидан кичик йигит билан ахлоқсиз видео олган аёл қўлга тушди

Ўзидан кичик йигит билан ахлоқсиз видео олган аёл қўлга тушди

Бухорода жинсий алоқа жараёнини видео тасвирга олиб, эвазига бу видеони тарқатиб юбориш билан қўрқитиб, жазманидан пул талаб қилган аёл қўлга олинди. Бу ҳақда вилоят ИИБ ахборот хизмати хабар бермоқда.

Ҳолатга кўра, Ромитан туманида яшовчи 29 ёшли Н.Б. шу туманда яшовчи 26 ёшли эркак И.Ҳ. билан яширинча ишқий муносабатда бўлиб юрган. Орадан кўп ўтмай, аёл эркакни ҳар томонлама сиқувга ола бошлаган.

Шундай кунларда И.Ҳ. уни қўлга олишга ундаш учун яна Н.Б.нинг хонадонига борган. Бу гал Н.Б. эркак билан ишқий муносабати жараёнини шахсий телефонига видео тасвирга олган. Ва ушбу видео тасвирни эркакнинг оила аъзоларига кўрсатиш ҳамда турмуш ўртоғидан ажратиб юбориш билан қўрқитган. Тарқатиб юбормаслиги эвазига аёл эркакдан 400 АҚШ доллари миқдоридаги пулларни талаб қилган.

И.Ҳ. эса ҳолат юзасидан вилоят ҳуқуқ-тартибот идораларига мурожаат қилишга мажбур бўлган.

«Жорий йилнинг 17 ноябрь куни И.Ҳ.нинг мурожаати юзасидан тезкор тадбир ўтказилди. Бу жараёнда аёлнинг эркак билан ўзаро телефон орқали мулоқотида унга нисбатан куракда турмайдиган сўзлар билан ҳақоратли сўзлар ишлатиб, видео тасвирни тарқатиб юбориш билан қўрқитиб, ундан пул талаб қилаётгани ёзиб олинди. Аёл Бухоро тумани марказида жойлашган автомобилларга газ қуйиш шохобчаси олдида талаб қилинган пулларни олган вақтида ашёвий далиллар билан қўлга олинди. Шу ўринда, эркакларни ҳам хиёнат йўлига кирмасликка чақириб, хиёнат оқибати мана шундай кўнгилсиз ҳолатларга олиб келиши мумкинлигини эслатамиз. Фақатгина аёллар эмас, эркаклар ҳам ҳар қандай хатти-ҳаракати учун қонун олдида жавобгардирлар!» — дейди ҳуқуқ-тартибот идораси вакили.

Мазкур ҳолат юзасидан Ўзбекистон Республикаси Жиноят Кодексининг 165-моддаси (Товламачилик) 1-қисми билан жиноят иши қўзғатилиб, ҳозирда тергов ҳаракатлари олиб борилмоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг