Хабарлар тезкор Телеграм каналимизда Обуна бўлиш ×

Наманган давлат университети ўқитувчилари ва талабаси қўлга олинди

Наманган давлат университети ўқитувчилари ва талабаси қўлга олинди

Бош прокуратура ҳузуридаги Департаментнинг Янгиқўрғон туман бўлими томонидан ДХХнинг Наманган вилояти бошқармаси билан ҳамкорликда тезкор тадбир ўтказди.

Аниқланишича, Наманган давлат университети талабаси А.Қ. фуқаро А.нинг ўқишини Қирғизистон Республикаси Ўш давлат университетидан ўзи таълим олаётган университетга ваколатлари танишлари орқали кўчириб беришни ваъда қилиб, эвазига 1 000 АҚШ доллари ва 5,3 млн сўмни олган вақтида ашёвий далиллар билан ушланган.

Шунингдек, А.Қ.нинг кўрсатувига асосан давом этган тадбирларда, университет ўқитувчилари М.А., ундан кейин Б.А. ушбу пулларни олган вақтида ашёвий далиллар билан ушланганлар.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг