Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Бухорода 70 ёшли киши қўшни аёлнинг юрагига ўроқ санчиб қўйди

Бухорода 70 ёшли киши қўшни аёлнинг юрагига ўроқ санчиб қўйди

Жорий йилнинг 24 ноябрь куни соат 08:30 лар атрофида Бухоро вилоятининг Ғиждувон туманидаги Гаждумак маҳалласида жанжал келиб чиққан.

Вилоят ИИБ матбуот хизмати хабарига кўра, уйи олдида ободонлаштириш билан шуғулланаётган 70 ёшли киши дарахтнинг шохларини кесаётганида 55 ёшли қўшниси (аёл) ғазабланиб, дарахт ўзига тегишли эканлигини айтади.

Улар ўртасида даҳанаки жанжал бошланиб кетиб, эркак қўлидаги ўроқ билан аёлнинг юрагига уради. Аёл воқеа жойида вафот этган.

Суд-тиббий экспертизасининг дастлабки маълумотларига кўра, аёл чап елканинг юқори орқа юзасидан чап кўкрак қафасига ўтиб, ўткир кесувчи буюм билан урилган зарба натижасида ички ва ташқи қон кетиши натижасида вафот этган. 

Эркакка нисбатан 97-модда 1-қисми (қасддан одам ўлдириш) билан жиноят иши қўзғатилган. Гумонланувчи процессуал тартибда ушланган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг