UzAuto Motors янги автомобиллар беришни вақтинча тўхтатди
UzAuto Motors АЖ томонидан харидорларга янги автомобил етказиб бериш икки кунга тўхтатилади. Аммо дилерлар томонидан автомобил харид қилиш учун янги шартномаларни тузиш давом этади. Бу ҳақда матбуот хизмати томонидан хабар берилди.
«Ҳурматли харидорлар!
UzAuto Motors АЖ томонидан автомобиллар қолдиқларини инвентаризация қилиниши муносабати билан 2019 йилнинг 23 дан 25 декабригача янги автомобилларни харидорларга бериш вақтинчалик тўхтатилади.
Шу билан бирга инвентаризация кунлари давомида дилерлар томонидан автомобил харид қилиш учун янги шартномаларни тузиш давом этади.
Компания дилерлик марказларида инвентаризация тугагани ҳақида онлайн тартибда хабардор қилиб боради.
Келтирилган ноқулайликлар учун узр сўраймиз ва сизнинг тушунишингиздан умидвормиз!» — дейилади хабарда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter